အမှတ်တရ
ဆရာမ ဂျူးရဲ့  အမှတ်တရ စာအုပ်ဖြင့် အချစ်ဝထ္ထုကို ပထမဆုံး ဖတ်ခဲ့ဖူးပါတယ်။ ဆယ်တန်းပြီးစ အစ်မအိမ် သွားလည်ရင်း ကောက်ကိုင်ပြီး တထိုင်ထဲဖတ်ခဲ့တဲ့ စာအုပ်ပါ။စာအုပ်ဖတ်ပြီးတော့ ဘာကိုရေရေရာရာ ခံစားရမှန်းမသိဘူး ကိုယ်မှ သူ့နေရာမခံစားရ မသိရဖူးပဲကိုး တဆတ်တည်းမှာပဲ ဒီလို ရေရှည်ဖြစ်တည်တတ်တဲ့ ဝေဒနာမျိုးကို သိလည်းမသိချင်ဘူး သို့ပေမဲ့ လူတစ်ယောက်က လူတစ်ယောက်ကိုချစ်တဲ့အခါဖြစ်တည်လာတတ်တဲ့ စိတ်ခံစားချက် ပြီးတော့ လက်လွတ်ဆုံးရှူံးတဲ့အခါ လွမ်းဆွေးမှူ အမှတ်တရတွေ သိမ်းဆည်းထားတတ်မှူ လှပမှူတွေရော ၀မ်းနည်းမှူတွေရောယှက်လို့ပေါ့။
မှတ်မှတ်ရရ စာဖတ်တုံးက ကြက်သီးထခဲ့ပါတယ်။ ဒါက ဆရာမဂျူးကို ကျွန်မကျေးဇူးတင်သည်။ ဘာပဲပြောပြောချစ်တဲ့သူဆိုညားမှာပဲဆိုတဲ့ အချစ်ဆိုတာကို စာအုပ်ထဲမှာဖတ်ရင်တောင် အကြိမ်းခံရတဲ့ ဆယ်ကျော်သက် ကျွန်မကို တကယ့်ဖြစ်တတ်သော အဆုံးသတ်မှူတစ်ခုကို ပထမဆုံးအကြိမ် ဖွင့်ပြလိုက်ခြင်းဖြစ်သည်။ ပြီးတော့ ကျွန်မငိုတာပဲ။ စုစုထွေးကို သနားတာလား။ သူ့ရဲ့  မောင်ကိုသနားတာလား။ အဆုံးသတ်ကိုပဲ ယူကြုံးမရဖြစ်တာလား။ တခါမှ ကိုယ်တွေ့မရှိပဲ ခံစားရတာ။
နောက်ထပ်ကတော့ လူတစ်ယောက်ကိုချစ်တဲ့အခါ နှောင်ဖွဲ့စရာမလို မျက်ရည်ခံထိုးစရာမလို ဘာဆိုဘာမှမလိုဘူး ချစ်မြဲချစ်နေဖို့လိုတယ် အဲ့ဒါဆို စုစုထွေး ဆီကနေ သင်လိုက်ရတာ။ နောက်ဆုံး သူ့ချစ်သူကို အပြီးအပိုင်နှူတ်ဆက်ချိန် တိတ်ဆိတ်လွန်းတယ်။ တစ်ချက်မတားဘူး။ ထွက်သွားပါစေဆိုတဲ့ စိတ်နဲ့တော့မဟုတ်ဘူး။ မတားရက်ခြင်းမျိုးပေါ့။
ကြိုးတစ်ချောင်းက ဖြတ်သင့်တဲ့အချိန်ရောက်ရင် ဖြတ်ကိုဖြတ်ရမှာ ပေါ့လေ ... ဆိုပြီး (ကျွန်မပြန်မှတ်မိစရာ
မလိုသည့် စာကြောင်း) အခုတော့ အသက်၂၃မှာ အားလုံးကို နားလည်သွားခဲ့ပါပြီ။
ချစ်သူဆိုတာ နှောင်ဖွဲ့ထားစရာမလို။ လမ်းခွဲချိန်မှာ မျက်ရည်ခံထိုးစရာမလို။ မဆုံနိုင်တော့တဲ့လမ်းမှာ အတင်းကာရောရပ်နေစရာမလို။
လွမ်းခြင်းတစ်ခုပဲ သက်တောင့်သက်သာရှိတော့တာပေါ့။
Comments
Post a Comment